ദിവസവും വ്യായാമം ചെയ്യുന്നുണ്ട്, എന്നിട്ടും ഫലം ഇല്ല കാരണം തെറ്റുകള്‍ ആകാം

ദിവസവും മുടങ്ങാതെ വ്യായാമം ചെയ്യുന്നുണ്ട്, എന്നിട്ടും വ്യത്യാസം ഒന്നും കാണുന്നില്ല. ഇങ്ങനെ പരാതി പറയുന്ന പലരെയും നമ്മള്‍ കണ്ടിട്ടുണ്ടാവും. എന്തുകൊണ്ടാണ് ഇങ്ങനെ സംഭവിക്കുന്നത് എപ്പോഴെങ്കിലും ചിന്തിച്ചിട്ടുണ്ടോ?വ്യായാമം ചെയ്യുമ്പോൾ നമ്മള്‍ പോലും അറിയാതെ ചെയ്യുന്ന ചില തെറ്റുകളാണ് ഇതിന് കാരണം. തെറ്റുകള്‍ എന്തൊക്കെയാണെന്ന് നമുക്ക് നോക്കാം.

മുന്നൊരുക്ക വ്യായാമങ്ങള്‍

വാം അപ്പ് അഥവാ മുന്നൊരുക്ക വ്യായാമങ്ങള്‍ ചെയ്യാതെനേരിട്ട് വ്യായാമത്തിലേക്ക് കടക്കുന്നതാണ് ആദ്യത്തെ തെറ്റ്. വാം അപ്പ്ചെയ്യാതെ വ്യായാമം ചെയ്യുമ്പോൾ നമ്മുടെ പേശികള്‍ക്കും പേശി വള്ളികള്‍ക്കുംക്ഷതം സംഭവിക്കാനുള്ള സാധ്യത വളരെ കൂടുതലാണ്. അതുപോലെതന്നെ വ്യായാമം അവസാനിപ്പിക്കുന്നതിനു മുമ്പ് ലഘുവായ വ്യായാമങ്ങള്‍ ചെയ്യുന്നതും നല്ലതാണ്.

ഇറുകിയ വസ്ത്രങ്ങള്‍

ഇറുകിയ വസ്ത്രങ്ങള്‍ ധരിച്ച്‌ വ്യായാമം ചെയ്യരുത്. ഇറുകിയ വസ്ത്രങ്ങള്‍
ധരിച്ച്‌ വ്യായാമം ചെയ്യുമ്പോൾ ശ്വാസോച്ഛ്വാസത്തിന് തടസ്സമുണ്ടാകും.

വെറും വയറ്റില്‍ വ്യായാമം ചെയ്യരുത്

ഒരിക്കലും വെറും വയറ്റില്‍ വ്യായാമം ചെയ്യരുത്. അത് അമിത ക്ഷീണത്തിന്
കാരണമാകും. വ്യായാമത്തിനു മുമ്പ് ഒരു റോബസ്റ്റാ പഴമോ പുഴുങ്ങിയ മുട്ടയോ
പോലുള്ള ലഘുഭക്ഷണം നിര്‍ബന്ധമായും കഴിച്ചിരിക്കണം. എന്നാല്‍ അമിതമായി 
ഭക്ഷണം കഴിക്കുകയും ചെയ്യരുത്.

ആവശ്യത്തിന് വെള്ളം കുടിക്കാതിരിക്കുക

വ്യായാമം ചെയ്യുമ്പോൾ ആവശ്യത്തിന് വെള്ളം കുടിക്കാതിരിക്കുന്നതും
തെറ്റാണ്. ഇത് നിര്‍ജലീകരണത്തിനും അമിത ക്ഷീണം, തലകറക്കം, ശരീരത്തില്‍
ഉപ്പിൻെറ അംശം കുറയല്‍ എന്നിവയ്ക്കും കാരണമാകും.

അനുയോജ്യമായ പാദരക്ഷകള്‍ ധരിക്കുക

അനുയോജ്യമായ പാദരക്ഷകള്‍ ധരിച്ചു വേണം വ്യായാമം ചെയ്യാൻ. പ്രത്യേകിച്ച്‌
പ്രമേഹം ഉള്ളവര്‍. പാദരക്ഷകള്‍ ധരിക്കാതെ വ്യായാമം ചെയ്യുമ്പോള്‍ അത്
ഞരമ്പുകൾക്ക് ക്ഷതമുണ്ടാകാൻ കാരണമാകും.

മൊബൈല്‍ ഫോണുകള്‍ ഉപയോഗിക്കാതിരിക്കുക

വ്യായാമം ചെയ്യുമ്പോള്‍ മൊബൈല്‍ ഫോണുകള്‍ ഉപയോഗിക്കാതിരിക്കുക. ഫോണ്‍
ഉപയോഗിക്കുമ്പോള്‍ ശ്രദ്ധ മാറുകയും വ്യായാമത്തിൻെറ പ്രാധാന്യം
നഷ്ടപ്പെടുകയും ചെയ്യും. ശാരീരിക ആരോഗ്യം നിലനിര്‍ത്താനായി ശരിയായ
വ്യായാമം അത്യന്താപേക്ഷിതമാണ്. ആവശ്യമായ മുന്നൊരുക്കങ്ങളോടെ വേണം വ്യായാമം ചെയ്യാൻ. ശരിയായ വ്യായാമം നിങ്ങളെ ആരോഗ്യത്തിലേക്ക് നയിക്കും.